ՀԵՍՈՒ12
- 1Եւ սորանք են այն երկրի թագաւորները, որոնց զարկեցին Իսրայէլի որդիքը եւ որոնց երկիրներն առան, Յորդանանի այն կողմում դէպի արեւելք, Առնոն ձորից մինչեւ Հերմոն սարը եւ բոլոր դաշտը դէպի արեւելեան կողմը,
- 2Եսեբոնում բնակող Ամօրհացիների Սեհոն թագաւորը, որ տիրում էր Առնոն ձորի եզերքումն եղող Արոերից, եւ ձորի մէջտեղին, եւ Գաղաադի կէսին մինչեւ Ամմոնի որդկանց սահմանումն եղած Յաբոկ ձորը,
- 3Նաեւ դաշտին, մինչեւ Քեներեթի ծովը դէպի արեւելք եւ մինչեւ դաշտի ծովը այսինքն Աղի ծովը դէպի արեւելք Բեթեսիմօթի ճանապարհը եւ հարաւային կողմից Ասեդովթ-փասգայի տակին.
- 4Եւ Բասանի Ովգ թագաւորի սահմանին հսկաների մնացորդիցը, որ բնակվում էր Աստարովթի եւ Եդրայիի մէջ:
- 5Եւ տիրում էր Հերմոն սարին եւ Սելքային եւ բոլոր Բասանին մինչեւ Գեսուրացիների եւ Մաքաթացիների սահմանը. եւ Գաղաադի կէսին մինչեւ Եսեբոնի Սեհոն թագաւորի սահմանը:
- 6Տիրոջ ծառայ Մովսէսը եւ Իսրայէլի որդկանցը հետ զարկեց սորանց, եւ Տիրոջ ծառայ Մովսէսը տուաւ այն Ռուբէնեանների, Գադեանների եւ Մանասէի կէս ցեղին իբրեւ ժառանգութիւն:
- 7Եւ սորանք են երկրի թագաւորները, որ Յեսուն եւ Իսրայէլի որդիքը զարկեցին Յորդանանի այս կողմումը դէպի արեւմուտք, Լիբանանի հովտումը եղող Բաաղգադից մինչեւ Քալակ սարը, որ վեր է գնում Սէիր. եւ Յեսուն տուաւ նորան Իսրայէլի ցեղերին իբրեւ ժառանգութիւն իրանց վիճակների համեմատ.
- 8Սարերի եւ հովիտների եւ դաշտերի մէջ եւ սարերի ստորոտներում եւ անապատում եւ հարաւային կողմը բնակող Քետացիները, Ամօրհացիները, Քանանացիները, Փերեզացիները, Խեւացիները եւ Յեբուսացիները.
- 9Երիքովի թագաւորը՝ մէկ, Բեթէլի մօտ եղող Գայիի թագաւորը՝ մէկ,
- 10Երուսաղէմի թագաւորը՝ մէկ, Քեբրոնի թագաւորը՝ մէկ,
- 11Յերիմութի թագաւորը՝ մէկ,
- 12Լաքիսի թագաւորը՝ մէկ, Էգղօնի թագաւորը՝ մէկ,
- 13Գազերի թագաւորը՝ մէկ,
- 14Դաբիրի թագաւորը՝ մէկ, Գադերի թագաւորը՝ մէկ, Հօրմայի թագաւորը՝ մէկ, Արադի թագաւորը՝ մէկ,
- 15Լեբնայի թագաւորը՝ մէկ, Ոդողոմի թագաւորը՝ մէկ, Մակեդայի թագաւորը՝ մէկ,
- 16Բեթէլի թագաւորը՝ մէկ,
- 17Թափուայի թագաւորը՝ մէկ,
- 18Ոփերի թագաւորը՝ մէկ, Ափեկի թագաւորը՝ մէկ, Լասարօնի թագաւորը՝ մէկ,
- 19Մադօնի թագաւորը՝ մէկ, Հասորի թագաւորը՝ մէկ,
- 20Սամրօն Մառօնի թագաւորը՝ մէկ,
- 21Աքսափի թագաւորը՝ մէկ, Թանաքի թագաւորը՝ մէկ, Մակեդդովի թագաւորը՝ մէկ,
- 22Կադեսի թագաւորը՝ մէկ, Կարմէլի Յեկնամի թագաւորը՝ մէկ,
- 23Դովրի գաւառում Դովրի թագաւորը՝ մէկ,
- 24Գաղգաղայի Գոյիմի թագաւորը՝ մէկ, Թերեսայի թագաւորը՝ մէկ. բոլորը երեսունեւմէկ թագաւոր: