Այս փաստերի լույսի ներքո քրիստոնյաների՝ ծխելուց հրաժարվելու փաստը չես անվանի անմիտ և մոլեռանդ քայլ: Եթե այսօր որևէ մեկին անմտության համար մեղադրեն, ապա իհարկե դա չի վերաբերվի քրիստոնյաներին, այլ նրանց, ովքեր գումար են վատնում իրենց մարմնի քմահաճույքների համար, որոնք վերջիվերջո բերում են ցավալի մահվան՝ թոքերի քաղցկեցի միջոցով: Եվ եթե այդ կրքի զոհերին կարելի է անմիտներ անվանել, ապա նրանց, ովքեր գործածում են գովազդի բոլոր միջոցները, որպեսզի այլ մարդկանց գցեն այդ քայքայիչ կախվածության մեջ, կարելի է անվանել չարագործներ: Այդ առումով ցանկանում եմ մի հարց տալ. նախորդ հարյուրամյակներում ստրուկների վաճառքով զբաղվողները, ովքեր տղամարդկանց և կանանց մարմինների առևտրով էին զբաղված, բարոյական և հասարակական առոմով ավելի՞ հանցավոր են, քան նրանք, ովքեր հանուն սեփական հարստության ուրիշներին ներքաշում են ծխելուց դաժան կախվածության մեջ:

Այն նույնն, ինչ ասվեց ծխելու մասին, հավասարապես կիրառելի է ալկոհոլը չարաշահելու մասին: Եվ կրկին, բազմաթիվ անկեղծ քրիստոնյաներ տարիներ շարունակ խուսափել են նման կախվածությունից՝ համաձայն Աստվածաշնչի զգուշացման: Քաջ հայտնի փաստ է, որ ալկոհոլից մոլի կախվածությունը բազմաթիվ տեսակի մտավոր և ֆիզիկական հիվանդությունների գլխավոր պատճառներից մեկն է, ինչպես նաև մահվան ելքով ավտոպատահարների մեծ մասի պատճառը: Այս չարիքներից պաշտպանված քրիստոնյաները կարող են խորը գոհունակությամբ արձագանքնեն Դավթի խոսքերին.

«Նայելով մարդկանց գործերին՝

Քո խոսքերով ես զգուշացա

Կործանիչ ճանապարհներից»:

Սաղմ.17:4